Հարթակը մշակման փուլում է․ ձեր կարծիքը կօգնի մեզ բարելավել այն:
հունիսի 12, 2025
Քրեական գործերի վերաքննիչ բողոքները կքննվեն գրավոր ընթացակարգով
Այսուհետ քրեական դատավարության վերաքննիչ բողոքները կքննվեն գրավոր ընթացակարգով՝ առանց դատական նիստի:
Նախագծի նպատակն է․
- նվազեցնել դատարանների ծանրաբեռնվածությունը,
- ապահովել բողոքների ավելի արդյունավետ քննություն։
Արդարադատության նախարար Սրբուհի Գալյանը շեշտել է, որ գրավոր ընթացակարգը նորություն չէ դատական համակարգում, քանի որ արդեն կան այնպիսի վարույթներ, որոնք քննվում են գրավոր կարգով: Այժմ քրեական գործերի վերաքննության ամբողջ վարույթը նույնպես կանցնի այս ձևաչափին։
Բացառություններ նախատեսվում են միայն որոշակի դեպքերի համար: Օրինակ՝ կողմի միջնորդությամբ կամ դատարանի սեփական նախաձեռնությամբ կարող է որոշվել, որ վերաքննությունը պետք է իրականացնել բանավոր ընթացակարգով, կամ եթե վերաքննիչ դատարանը անհրաժեշտություն է համարում նոր ապացույցներ ներկայացնել կամ գոյություն ունեցող ապացույցները հետազոտել, ապա նույնպես կարող է կիրառվել բանավոր ընթացակարգ:
Ցանկացած դեպքում, երբ դատարանը որոշում է շեղվել գրավոր ընթացակարգից, պետք է պատճառաբանի այդ որոշումը և բացատրի, թե ինչու է անհրաժեշտ բանավոր քննություն:
Նախագծով սահմանվում է նաև վերաքննիչ բողոքների քննության ժամկետ սահմանել 6 ամիսը։ Այս ժամկետը դատարանի պատճառաբանված որոշմամբ կարող է հետաձգվել միայն մեկ անգամ 4 ամիս ժամկետով:
Եթե նախատեսված ժամկետը սպառվի, իսկ դատավարությունն ավարտված չլինի, ապա դատավորը կարող է կարգապահական պատասխանատվության ենթարկվել: