ՀՀ արտաքին գործերի նախարարությունը հանդես է եկել նախաձեռնությամբ՝ աջակցելու այն քաղաքացիներին, որոնց վերադարձը Հայաստան խաթարվել է Մերձավոր Արևելքում ստեղծված ռազմական իրավիճակի պատճառով։

 Աջակցությունից կարող են օգտվել այն ՀՀ քաղաքացիները, որոնց ՀՀ վերադարձի կամ տարանցիկ չվերթները չեղարկվել են, և նրանք ստիպված են եղել սեփական միջոցներով ձեռք բերել նոր տոմսեր՝ Հայաստան վերադառնալու համար։

Փոխհատուցման չափը

• Յուրաքանչյուր անձի համար սահմանվել է մինչև 250,000 ՀՀ դրամ փոխհատուցում։
• Այն դեպքերում, երբ նոր տոմսի արժեքը ցածր է 250,000 դրամից, փոխհատուցումը կտրամադրվի փաստացի վճարված գումարի չափով։

Փոխհատուցման տրամադրման հստակ մեխանիզմները և այլ մանրամասներ կհրապարակվեն առաջիկա օրերին։