Մանկաբարձական և գինեկոլոգիական արտահիվանդանոցային բուժօգնություն ստանալու համար անհրաժեշտ է Ֆիզիկապես այցելել տեղամասային բժշկական հաստատության մանկաբարձ-գինեկոլոգին (գյուղական վայրերում՝ նաև ընտանեկան բժշկին, մանկաբարձուհուն կամ վերապատրաստված բուժքրոջը)։  

Նախնական զննումից հետո ծառայության մատուցման տարբեր փուլերում կընդգրկվեն նաև այլ մասնագետներ, և կկազմակերպվի լաբորատոր-գործիքային ախտորոշիչ հետազոտությունների իրականացման գործընթացը:

Ծրագրի մասին 

Արտահիվանդանոցային մանկաբարձագինեկոլոգիական բժշկական օգնության և սպասարկման շրջանակներում իրականացվում է․

• հղիների, այդ թվում՝ բարձր ռիսկի խմբի հղիների և ծննդկանների հսկողություն,
• կանանց գինեկոլոգիական բժշկական օգնության և սպասարկման ապահովումը, կանխարգելիչ հետազոտումն ու բուժումը առանց այցելությունների թվի սահմանափակման և դեղերի տրամադրում,
• Քաղաղացիական կացության ակտերի գրանցման (ԶԱԳՍ) մարմիններում ամուսնությունը գրանցած զույգերի հղիության պլանավորման նպատակով խորհրդատվության և հետազոտությունների իրականացում։
  
  

Ներկայացվող պահանջները

Աջակցությունից կարող են օգտվել․

• ՀՀ քաղաքացիություն ունեցող կանայք,
• ՀՀ քաղաքացու հետ գրանցված ամուսնության մեջ գտնվող օտարերկրյա քաղաքացի կանայք,
• օտարերկրյա քաղաքացի կամ քաղաքացիություն չունեցող կանայք,
• ՀՀ-ում փախստականի և ապաստան հայցողի կարգավիճակ ունեցող հղի կանայք։
  
  

Պահանջվող փաստաթղթերը

Մանկաբարձական և գինեկոլոգիական արտահիվանդանոցային բուժօգնություն ստանալու համար անհրաժեշտ է ներկայացնել․

• անձը հաստատող փաստաթուղթ,
• հանրային ծառայությունների համարանիշ (ՀԾՀ), իսկ բացակայության դեպքում՝ ՀԾՀ-ի մասին տեղեկանք։
  
  

Տրամադրման կարգը

• Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում արտահիվանդանոցային մանկաբարձագինեկոլոգիական բժշկական օգնությունն ու սպասարկումն իրականացվում է արտահիվանդանոցային բժշկական կազմակերպություններում (առողջության կենտրոններ, կանանց կոնսուլտացիաներ):
• Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում արտահիվանդանոցային պայմաններում ցուցաբերվող մանկաբարձագինեկոլոգիական բժշկական օգնությունն ու սպասարկումը հիմնականում իրականացվում է կցագրված բնակչության սպասարկման սկզբունքով, միաժամանակ` յուրաքանչյուր բնակիչ իր բնակավայրի վարչական տարածքի շրջանակներում իրեն սպասարկող բժշկին` մանկաբարձ-գինեկոլոգին, ընտրելու իրավունքն ունի, ընտրված բժշկական կազմակերպությունում ստանալով բժշկական օգնություն և սպասարկում միայն նախածննդյան և հետծննդյան հսկողության մասով: