Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Դիմելու համար անհրաժեշտ է՝

• մուտք գործել համակարգ՝ լրացնելով մուտքանուն և գաղտնաբառ,
• «Ծառայություններ» հատվածից ընտրել «կյանքի դժվարին իրավիճակ» բաժինը
• այնուհետև՝ «հրատապ կարիքի հաշվառում»,
• լրացնել պահանջվող բոլոր տվյալները, 
• ընտրել անհրաժեշտ կարիքի 5 տեսակ,
• սեղմել «հաստատել» կոճակը։

Հրատապ կարիքի հաշվառմանը դիմելիս անձինք կարող են ստանալ՝

• կացարան,
• սնունդ,
• հագուստ,
• կոշիկ,
• աջակցող միջոցներ (պրոթեզաօրթոպեդիկ պարագաներ),
• հիգիենայի պարագաներ,
• տակդիր/միջադիր,
• մահճակալ (ներքնակ),
• անկողնային պարագաներ,
• կենցաղային պարագաներ,
• դեղորայք,
• դպրոցական պարագաներ,
• հոգեբանական աջակցություն,
• խնամք։ 

Ուշադրություն
Անձը կարող է ընտրել տրամադրվող աջակցություններից միայն 5-ը։

Տրամադրման կարգը և ժամկետը

Աջակցություն ստանալու դիմումը ներկայացնելուց հետո դիմողը իր էլեկտրոնային հասցեին ստանում է ծանուցում աջակցության հայտը ընդունված լինելու վերաբերյալ, ծանուցման մեջ նշվում է նաև, որ սոցիալական աշխատողը 5 աշխատանքային օրվա ընթացքում կապ կհաստատի դիմումատուի հետ։ Ծանուցման միջոցով դիմումատուն ստանում է նաև հսկիչ համար դիմումի կարգավիճակը անձնական էջում ստուգելու համար։