Եթե ընտանիքում բռնության ենթարկված անձն անչափահաս է կամ անգործունակ, ապա դիմումը և անհրաժեշտ փաստաթղթերը ներկայացնում է նրա օրինական ներկայացուցիչը (ծնող, որդեգրող, խնամակալ, խնամատար ծնող կամ հոգաբարձու) կամ խնամակալության և հոգաբարձության մարմինը, որը գործում է յուրաքանչյուր վարչական շրջանին և համայնքապետարանին կից։

Ծրագրի մասին

Ծրագիրը նախատեսված է ընտանեկան և կենցաղային բռնության ենթարկված անձանց օգնելու համար: Աջակցությունը տրամադրվում է, որպեսզի բռնության ենթարկված անձը կարողանա հոգալ իր և իր խնամքի տակ գտնվող անձանց կենսաապահովման նվազագույն կարիքները և ձեռք բերել ժամանակավոր կացարան՝ բնակելի տարածքի վարձակալության ծախսերը ամբողջությամբ կամ մասնակի փոխհատուցման միջոցով:

Ֆինանսական աջակցությունը բաղկացած է 3 մասից՝

• բազային արտակարգ վճար,
• բնակարանային աջակցություն,
• խնամակալի աջակցությունը։
  
  

Ներկայացվող պահանջները

Բազային աջակցություն տրամադրվում է հետևյալ պայմաններով՝

• դիմողը պետք է հանդիսանա ընտանեկան և կենցաղային բռնության ենթարկված անձ,
• բռնության ենթարկված անձը չպետք է ունենա 65,000 դրամը գերազանցող եկամուտ,
• դիմողը պետք է ունենա սնունդի, հագուստի կամ հիգիենայի պարագաների հրատապ կարիք,
• դիմողը չպետք է ունենա սեփական միջոցներ՝ հոգալու այդ կարիքները,
• դիմողին նույն դեպքով վերջին 12 ամսվա ընթացքում չպետք է տրամադրված լինի ֆինանսական աջակցություն։

Բնակարանային աջակցության համար դիմողը պետք է ունենա անվտանգ կացարանի կարիք և համապատասխանի հետևյալ պայմաններից առնվազն մեկին՝

• չի կարող վերադառնալ իր բնակության վայր,
• չունի այլընտրանքային կացարան,
• չի ցանկանում տեղափոխվել ապաստարան,
• ապաստարանում գտնվելու առավելագույն ժամկետը սպառված է։

Խնամակալի աջակցություն ստանալու համար անձը պետք է ունենա իր խնամքի տակ գտնվող երեխաներ, տարեցներ կամ հաշմանդամություն ունեցող անձինք:

Պահանջվող փաստաթղթերը