Ամուսնությունը ՀՀ-ում գրանցելու համար զույգի ֆիզիկական ներկայությունը պարտադիր է, սակայն դիմումը հնարավոր է ներկայացնել լիազորված անձի միջոցով։ 

Օտարերկրյա քաղաքացիների ամուսնությունը Հայաստանում գրանցելու համար անհրաժեշտ է․

• այցելել ամուսնացող անձանցից մեկի հաշվառման կամ բնակության վայրի Քաղաքացիական կացության ակտերի գրանցման գործակալություն (ՔԿԱԳ, տարածված է նաև ռուսերեն տերմինը՝ ЗАГС),
• լրացնել դիմում և ներկայացնել ստորև նշված պահանջվող փաստաթղթերը։

Անհրաժեշտ է հաշվի առնել, որ բնակության վայրի ՔԿԱԳ գրասենյակ այցելելու դեպքում պահանջվում է ներկայացնել բնակության վայրում ապրելու վերաբերյալ տեղեկանք։

Պահանջվող փաստաթղթերը

Ամուսնության գրանցում կատարելու համար ներկայացվում են հետևյալ փաստաթղթերը․

• ամուսնացող անձանց համատեղ գրավոր դիմումը,

• ամուսնության բացակայության մասին տեղեկանք` տրված օտարերկրյա պետության իրավասու մարմինների կողմից,

• անձնագրերի պատճենները` հայերեն թարգմանված և նոտարական հաստատումով, 

• նախկինում ամուսնության մեջ գտնված լինելու դեպքում՝ նախկին ամուսնության դադարումը հաստատող փաստաթուղթ (փաստաթղթում առկա ստորագրությունների վավերականությունը պետք է հաստատված լինի ապոստիլով),

• անհրաժեշտության դեպքում՝ միջազգային կոնվենցիաներին համապատասխանող այլ փաստաթղթեր։

Լիազորված անձի միջոցով դիմում ներկայացնելու դեպքում վերջինս պետք է ներկայացնի նաև՝

Վճարման չափը և կարգը

Ամուսնության պետական գրանցումն անվճար է։

Այնուամենայնիվ, զույգի ցանկությամբ հնարավոր է նաև ամուսնությունը գրանցել հանդիսավոր կարգով։

Ամուսնության հանդիսավոր կարգով գրանցման արժեքը կարող է փոփոխվել՝ կախված վայրից կամ գրանցման օրվանից։ Վճարումը հնարավոր է կատարել առցանց՝ E-payments համակարգի միջոցով․ 

• 20,000 դրամ՝ ՔԿԱԳ-ի գրասենյակում կամ գործակալության նշած այլ վայրում (վճարումը կատարելու համար անցնել այս հղումով),
• 40,000 դրամ՝ ամուսնացողների նշած վայրում (վճարումը կատարելու համար անցնել այս հղումով),
• 60,000 դրամ՝ ամուսնացողների նշած վայրում՝ ոչ աշխատանքային ժամերին և (կամ) ոչ աշխատանքային օրերին (վճարումը կատարելու համար անցնել այս հղումով)։

 Վճարումը կատարելուց հետո անհրաժեշտ է ներկայացնել վճարման անդորրագիրը։

Տրամադրման ժամկետը և կարգը

Ամուսնության պետական գրանցումը կատարվում է ամուսնացող անձանց ներկայացրած համատեղ դիմումում նշված օրը։ Այն իրականացվում է դիմումը ներկայացնելու հաջորդ աշխատանքային օրվանից ոչ շուտ և 6 ամսվանից ոչ ուշ։

Հղում օրենսդրությանը

• «Քաղաքացիական կացության ակտերի մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է տեսնել arlis.am-ում (անհրաժեշտ է կարդալ ակտերի վերջին տարբերակները)։