Ավելացված արժեքի հարկի և ակցիզային հարկի միասնական հաշվետվություն ներկայացնելու համար անհրաժեշտ է «Շարունակել» կոճակը սեղմելուց հետո՝

• գրանցվել համակարգում՝ անցնելով «Ներկայացնել հայտ» հղմամբ,
• լրացված էլեկտրոնային հասցեին կուղարկվի գրանցման հղում, որով անցնելուց հետո անհրաժեշտ է ստեղծել օգտանուն և գաղտնաբառ,
• գրանցվելուց հետո մուտք գործել համակարգ,
• ընտրել «Հաշվետվություններ» բաժինը, որտեղ տեղադրված են հաշվետվությունների ու հայտարարությունների տեսակները,
• ընտրել «Ավելացված արժեքի հարկի և ակցիզային հարկի միասնական հաշվարկ» թիվ 260 ձևը,
• լրացնել ավելացված արժեքի հարկի (Բաժին 1) և ակցիզային հարկի (Բաժին 2) վերաբերյալ տվյալները, 
• լրացնել եկամուտները՝ ըստ գործունեության տեսակների.
  • «Գործունեության տեսակը (կոդը)» սյունակում լրացվում է տնտեսական գործունեության տեսակների դասակարգչի կոդը (օրինակ՝ Մետաղական տակառների և համանման այլ տարողությունների արտադրության դեպքում լրացվում է C25910 կոդը /բաժին C, հատված 25, խումբ 25.9, դաս 25.91, ենթադաս 25.91.0),
  • «Տեսակարար կշիռը (%)» սյունակում լրացվում է, թե գործունեության տվյալ տեսակից ստացված եկամուտը ընդհանուր եկամտի քանի տոկոսն է կազմում։
• ավարտելուց հետո սեղմել «Գրանցել» կոճակը, և հաշվետվությունը կհայտնվի «Լրացված  հաշվետվություններ» բաժնում,
• այնուհետև ներբեռնել լրացված հաշվետվությունը, ստորագրել թվային ստորագրությամբ, վերբեռնել և հանձնել։

Ներկայացվող պահանջները

Ավելացված արժեքի և ակցիզային հարկի հաշվետվություն կարող են ներկայացնել ֆիզիկական և իրավաբանական անձինք, անհատ ձեռնարկատերերը, ովքեր ունեն․

• թվային ստորագրություն,

• նույնականացման քարտ, 

• նույնականացման քարտ կարդացող սարք։

Դիմելու տևողությունը

Առցանց եղանակով հաշվետվության ներկայացման գործընթացի տևողությունը 15 րոպե է։ 

Վճարման չափը և կարգը

Հաշվետվության ներկայացումն անվճար է։

Համակարգից օգտվելիս դժվարություններ առաջանալու դեպքում կարելի է այցելել «Ինչպե՞ս օգտվել համակարգից» էջ։