Ներկայացվող պահանջները

• Ռազմավարական էկոլոգիական գնահատումն անհրաժեշտ է իրականացնել բոլոր հիմնադրույթային փաստաթղթերի նախագծերի դեպքում, որոնք հնարավոր ազդեցություն կունենան բնության հատուկ պահպանվող և անտառային տարածքների, պատմամշակութային հուշարձանների վրա (շրջակա միջավայրի ազդեցության փորձաքննական եզրակացության ենթակա Ա կատեգորիայի գործունեության տեսակները):
  
  

Պահանջվող փաստաթղթերը

Տեղում կլրացվի դիմում, որին կից անհրաժեշտ է ներկայացնել՝

• ռազմավարական էկոլոգիական գնահատման (ՌԷԳ) հաշվետվություն,

• նախատեսվող գործունեության դեպքում՝ նախագծային փաստաթուղթը,

• տեղական ինքնակառավարման մարմնի կողմից տրված նախնական համաձայնության որոշումը (եթե սահմանված ժամկետում համայնքի ավագանու կողմից որոշում չի կայացվում՝ նախաձեռնողը փաստաթղթերի փաթեթը կարող է փորձաքննության ներկայացնել առանց համաձայնության, ինչի դեպքում հարցում է կատարվում համապատասխան համայնքի ղեկավարին),

• տեղական ինքնակառավարման մարմնի կողմից իրականացված հանրային լսումների ընթացքում կազմված փաստաթղթերը (ծանուցման հրապարակման պատճենը, լուսանկարները կամ տեսաձայնագրությունները, առկայության դեպքում՝ առաջարկությունները և կարծիքները, ինչպես նաև հանրային լսումների արձանագրությունները)։
  
  

Եզրակացության չտրամադրման հիմքերը

Եզրակացությունը կարող է չտրամադրվել, եթե՝

• լրամշակման վերադարձված փաթեթը նախաձեռնողի կողմից չլրամշակված ներկայացնելու դեպքում 10 աշխատանքային օրվա ընթացքում տրվում է բացասական եզրակացություն,

• 30 աշխատանքային օրվա ընթացքում նախաձեռնողի կողմից լրամշակված փաթեթը չներկայացվելու դեպքում փաթեթն օրենքի ուժով համարվում է բացասական եզրակացություն ստացած:
  
  

Տրամադրման ժամկետը և կարգը

Հիմնադրութային փաստաթղթի նախագծի ռազմավարական էկոլոգիական գնահատման հաշվետվության համար եզրակացությունը տրամադրվում է 80 աշխատանքային օրվա ընթացքում:

Փորձաքննության գործընթացների լիարժեքությունն ապահովելու համար լրացուցիչ աշխատանք կատարելու անհրաժեշտության դեպքում գործընթացի ժամկետը կարող է երկարաձգվել մինչև 30 աշխատանքային օրով։

Վճարման չափը և կարգը

Ռազմավարական էկոլոգիական գնահատումն իրականացվում է անվճար։

Հղում օրենսդրությանը

• «Շրջակա միջավայրի վրա ազդեցության գնահատման և փորձաքննության մասին» ՀՀ օրենք

• Կառավարության 2023 թվականի 21 դեկտեմբերի N 2294-Ն որոշում

Իրավական ակտերը հնարավոր է գտնել arlis.am-ում։