Միանվագ հատուցում ստանալու համար անհրաժեշտ է դիմել ՀՀ Պաշտպանության նախարարության զինծառայողների սոցիալական պաշտպա­նության վարչություն՝ ներկայացնելով պահանջվող փաստաթղթերը։

Ներկայացվող պահանջները

Միանվագ դրամական աջակցություն ստանալու համար կարող են դիմել՝

• զինհաշմանդամները,
• զոհված, անհայտ կորած և դատական կարգով մահացած ճանաչված զինծա­ռայողների ծնողները, ամուսինը և զավակները:
  
  

Աջակցության չափը

Աջակցության չափը կախված է ներկայցված իրավիճակից և տատանվում է 300,000 դրամից մինչև 2,000,000 դրամի սահմաններում։

Պահանջվող փաստաթղթերը

Բոլոր երեք դեպքերում դիմումին կից անհրաժեշտ է ներկայացնել․

• շահառուների անձնագրերը կամ նույնականացման քարտը,
• հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը,
• տեղեկանք բնակության վայրից,
• ամուսնության կամ ամունսալուծության վկայականը, ծննդյան վկայականները կամ դատական ակտերը (առկայության դեպքում),
• բանկային հաշվեհամար։

Զինհաշմանդամները հավելյալ ներկայացնում են՝

• բժշկասոցիալական փորձաքննության տեղեկանքը,
• ՀՀ պաշտպանության նախարարության կենտրոնական ռազմաբժշկական փորձաքննական կենտրոնի եզրակացությունը։

Զոհված, անհայտ կորած և դատական կարգով մահացած ճանաչված զինծա­ռայողների ընտանիքների անդամները պետք է ներկայացնեն զինծառայողի՝

• մահվան վկայականը կամ անհայտ բացակայող կամ մահացած ճանաչելու վերաբերյալ դատարանի վճիռը։

Անհրաժեշտության դեպքում ՀՀ Պաշտպանության նախարարության զինծառայողների սոցիալական պաշտպա­նության վարչությունը կարող է խնդրել ներկայացնել այլ փաստաթղթեր։