Ինչպե՞ս դիմել

ՀՀ քաղաքացիություն ստանալու համար պետք է նախնական դիմում հայտ ուղարկել քաղաքացիության գործերի էլեկտրոնային կառավարման համակարգի միջոցով։

Ծառայությունից օգվտելու համար «Շարունակել» կոճակը սեղմելուց հետո անհրաժեշտ է․

• գրանցվել և մուտք գործել անձնական օգտահաշիվ,
• ցանկից ընտրել դիմումներ բաժինը,
• սեղմել նոր հայտ կոճակը,
• ընտրել ծառայության տեսակը,
• ընտրել քաղաքացիություն ստանալու համար դիմելու հիմքը,
• հաջորդ էջում կատարել տվյալների նույնականացում՝ կցելով անձնագրի և ծննդյան վկայականի լուսապատճենները,
• տվյալների անհամապատասխանության կամ փոփոխության դեպքում կցել հավաստող փաստաթուղթ,
• կցել 3x4 չափի լուսանկար,
• ստուգել անձնական տվյալների համապատասխանությունը (հնարավոր է ավելացնել հավելյալ բնակության հասցե, հեռախոսահամար),
• ըստ հիմքի՝ կցել անհրաժեշտ փաստաթղթերը,
• ցանկության դեպքում կցել մերձավոր ազգականների տվյալները,
• ստուգել տվյալների ամբողջականությունը և ուղարկել հայտը,
• կատարել պետական տուրքի վճարում՝ սեղմելով համապատասխան կոճակը։

Ներկայացվող պահանջներ

Հայաստանի Հանրապետության քաղաքացիություն ստանալու համար կարող են դիմել ՀՀ քաղաքացիություն չունեցող 18 տարին լրացած գործունակ անձինք, ովքեր՝ 

• բնակվում կամ գտնվում են օտարերկրյա պետությունում կամ 
• օրինական հիմքով բնակվում կամ գտնվում են ՀՀ-ում:

Պահանջվող փաստաթղթեր

Կախված հիմքից՝ քաղաքացիության ստանալու հայտի համար անհրաժեշտ փաստաթղթերը տարբերվում են։

Կցվող փաստաթղթերը՝ ըստ հիմքերի․

• ազգության հիմքով դիմելու համար պահանջվող փաստաթղթերը,
• օրենքով սահմանված կարգով վերջին 3 տարին Հայաստանում բնակվելու հիմքով դիմելու համար պահանջվող փաստաթղթերը,
• ՀՀ քաղաքացի ամուսին ունենալու հիմքով դիմելու համար պահանջվող փաստաթղթերը,
• ՀՀ քաղաքացի ծնող կամ զավակ ունենալու հիմքով դիմելու համար պահանջվող փաստաթղթերը,
• քաղաքացիությունը վերականգնելու հիմքով դիմելու համար պահանջվող փաստաթղթերը,
• փախստականի կարգավիճակ ունենալու հիմքով դիմելու համար պահանջվող փաստաթղթերը,
• քաղաքացիություն չունենալու հիմքով դիմելու համար պահանջվող փաստաթղթերը,
• ծնողների (կամ նրանցից մեկի)՝ նախկինում ՀՀ քաղաքացիություն ունենալու հիմքով դիմելու համար պահանջվող փաստաթղթերը։
  

Վճարման չափը և կարգը

Ընտրված հիմքերին համապատասխան պահանջվող բոլոր փաստաթղթերը կցելուց և տվյալները լրացնելուց հետո անհրաժեշտ է համակարգում իրականացնել պետական տուրքի վճարում առցանց եղանակով։ 

Քաղաքացիություն ստանալու համար պետական տուրքի վճարը 50,000 դրամ է։

Անհրաժեշտ փաստաթղթերը կցելուց հետո համակարգը կուղղորդի առցանց վճարման համապատասխան էջ։ 

Տրամադրման ժամկետը և կարգը

Հայտն ուղարկելուց հետո 15 աշխատանքային օրվա ընթացքում էլեկտրոնային փոստով և հարթակի միջոցով ծանուցվում է հայտի հաստատման մասին։

Եթե հայտում բացակայում են անհրաժեշտ թարգմանությունները կամ ներկայացված փաստաթղթերը չեն բավարարում ընտրված հիմքին, ապա հայտը ուղարկվում է շտկման, որի համար տրվում է 10 աշխատանքային օր։ 

Հայտի հաստատման դեպքում ուղարկվում է ծանուցում՝ այցի օր ընտրելու վերաբերյալ։ Ընտրված օրը և ժամին պետք է ներկայանալ ՄՔԾ գրասենյակ կամ հյուպատոսարան՝ անհրաժեշտ բոլոր փաստաթղթերի բնօրինակներով։ 

Օտարերկրյա քաղաքացիները, փաստաթղթերի վավերացումից հետո, պարտավոր են անցնել ՀՀ Սահմանադրության և հայոց լեզվի իմացության թեստ, որը ևս կատարվում է համակարգի միջոցով։ 

Հղում օրենսդրությանը

ՀՀ քաղաքացիության մասին օրենք

ՀՀ կառավարության 2026 թվականի հունվարի 22-ի N 97-Ն որոշում

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակը)։