Ինչպե՞ս դիմել

Երեխային Երևանի մանկապարտեզներում հերթագրելու համար անհրաժեշտ է՝

• գրանցվել yes.yerevan.am կայքում կամ մուտք գործել, 
• ընտրել «Մանկապարտեզներ» բաժինը, 
• սեղմել «Հերթագրում» կոճակը, 
• սեղմել «Շարունակել» կոճակը,
• կցել երեխային/ներին՝ լրացնելով պահանջվող տվյալները,
• ստորագրել դիմումը։

Երեխայի հերթագրման մասին տեղեկությունը անմիջապես հասանելի կլինի անձնական էջում։ 

Երեխային մարզերի մանկապարտեզում հերթագրելու համար անհրաժեշտ է․

• ընտրել համայնքը,
• հղումով բացված առցանց հերթագրման էջում լրացնել երեխայի տվյալները։ 

Ներկայացվող պահանջները

Դիմում կարող է ներկայացնել երեխայի ծնողը կամ օրինական ներկայացուցիչը։

Ուշադրություն
Երեխային կարելի է հերթագրել միայն մեկ մանկապարտեզում։

Պահանջվող փաստաթղթերը

Առցանց հայտին անհրաժեշտ է կցել հետևյալ փաստաթղթերի լուսապատճենները.

• երեխայի ծննդյան վկայականը,
• ծնողի անձնագիրը կամ նույնականացման քարտը,
• հաշվառումը հիմնավորող փաստաթուղթ (անձնագրի՝ գրանցման հասցեն նշող էջը)
  

Տրամադրման ժամկետը և կարգը

• Դիմումի հաստատման կամ մերժման պատասխանը ուղարկվում է 2 աշխատանքային օրվա ընթացքում:
• Դիմումի կարգավիճակին հնարավոր է հետևել օգտատիրոջ էջի «Դիմումներ» բաժնում:

Հղում օրենսդրությանը

Երևանի քաղաքապետի՝ 2022 թվականի ապրիլի 4-ի որոշում

Որոշումը հնարավոր է գտնել yerevan.am-ում։