Ծրագրի մասին

Աջակցության շրջանակում իրականացվում են՝

• ատամի հեռացում,
• պուլպիտի բուժում,
• պերիօդոնտիտի բուժում,
• կարիեսի բուժում,
• մինչև 18 տարեկան երեխաների լորձաթաղանթի հիվանդությունների բուժում, լրիվ կամ մասնակի շարժական թիթեղային պրոթեզի, պրոթեզավորման համար անհրաժեշտ ատամնաշապիկի պատրաստում, տեղադրում և վերանորոգում (յուրաքանչյուր 3 տարին մեկ անգամ)։
  
  

Ներկայացվող պահանջները

Ստոմատոլոգիական բժշկական օգնությունը  և սպասարկումը անվճար մատուցվում է․

Առողջության համընդհանուր ապահովագրության  շահառուների հետևյալ խմբերին`

• մինչև 18 տարեկանների համար թերապևտիկ, վիրաբուժական և օրթոպեդիկ բժշկական օգնության և սպասարկման ապահովում,
• 6 և 12 տարեկանների համար կանխարգելիչ սքրինինգային հետազոտություն՝ բերանի խոռոչի զննման միջոցով, իսկ ծկթման ժամկետների շեղման, ախտաբանական կծվածքի հետ կապված խնդիրների հայտնաբերման դեպքում նաև օրթոդոնտոլոգիական խորհրդատվությունը,
• 18 տարեկան և բարձր տարիքի ապահովագրված անձանց` միայն անհետաձգելի ստոմատոլոգիական բժշկական օգնություն (զննում և ատամի հեռացում),
• 65 և բարձր տարիքի անձանց համար` զննում և ատամի հեռացում, ատամների պրոթեզավորում` երեք տարվա համար),
• Հղիների հսկողության ընթացքում ստոմատոլոգիական կանխարգելիչ այց՝ բերանի խոռոչի զննման միջոցով:

Առողջության ապահովման և բարելավման ծրագրերի շրջանակներում` անվճար կամ համավճարային սկզբունքով բժշկական օգնության և սպասարկման ծառայությունների նվազագույն ծավալից և լրացուցիչ ծառայություններից օգտվելու  իրավունք ունեցող   բնակչության խմբերում ընդգրկված  հետևյալ անձանց`

• ՀՀ քաղաքացի, ռեզիդենտ և ֆունկցիոնալության համապատասխանաբար խորը, ծանր, միջին աստիճանի սահմանափակումով հաշմանդամություն ունեցող անձինք և հաշմանդամության 1-ին, 2-րդ, 3-րդ խումբ ունեցող անձանց,
• ՀՀ-ում փախստական ճանաչված և ապաստան ստացած, այդ թվում` ժամանակավոր պաշտպանություն ստացած անձինք, ԼՂ-ից բռնի տեղահանվածները,
• ՀՀ քաղաքացի և ռեզիդենտ հանդիսացող ընտանիքի անապահովության միավոր կամ աստիճան ունեցող ընտանիքի անդամներ.

Պահանջվող փաստաթղթերը

Անվճար և համավճարով ատամնաբուժական ծառայություններ ստանալու համար անհրաժեշտ է ներկայացնել․

• անձնագիր կամ նույնականացման քարտ,
• հանրային ծառայությունների համարանիշ (ՀԾՀ),
• բնակչության սոցիալապես անապահով ու հատուկ խմբերի ցանկում ընդգրկված համապատասխան փաստաթուղթ: