Էլեկտրոնային փոստի միջոցով ծրագրին դիմելու համար անհրաժեշտ է պահանջվող փաստաթղթերն ուղարկել [email protected] էլեկտրոնային փոստի հասցեին։

Աջակցություն ստանալու դիմումն անհրաժեշտ է ներկայացնել մինչև տվյալ ամսվա գործունեությանը հաջորդող ամսվա վերջին աշխատանքային օրը ներառյալ։

Ներկայացվող պահանջները

Աջակցության ծրագրից օգտվելու համար անհրաժեշտ է՝

• լինել ԱԱՀ վճարող սպանդանոցային ծառայություն մատուցող կազմակերպություն կամ անհատ ձեռնարկատեր,
• ֆերմերային տնտեսությունից և ֆիզիկական անձից կատարել խոշոր եղջերավոր կենդանիների գնումներ, սպանդանոցային սպանդ և մսեղիքի իրացման գործառույթ,
• ծրագրի դիմումի ներկայացման նախորդող աշխատանքային օրվա դրությամբ չունենալ չվճարված հարկեր,
• դիմումի ներկայացման պահին նախորդող 12 ամիսների, իսկ 12 ամսից պակաս ժամկետով ԱԱՀ վճարող համարվելու դեպքում՝ այդ ամիսների համար ներկայացրած լինել ԱԱՀ-ի և ակցիզային հարկի միասնական հաշվետվություն։

Պահանջվող փաստաթղթերը

Անհրաժեշտ է [email protected] էլեկտրոնային փոստի հասցեին ուղարկել հետևյալ փաստաթղթերը․ 

• դիմում,
• խոշոր եղջերավոր կենդանիների գնման վերաբերյալ տեղեկանք։ Ընդ որում՝ առաջին անգամ դիմելիս տեղեկանքը ներկայացվում է նախորդ 3 ամիսների համար, իսկ ամեն հաջորդ անգամ դիմելիս՝ դիմումի ներկայացմանը նախորդող 1 ամսվա համար,
• դիմումի ներկայացման ամսին նախորդող ամսվա ընթացքում խոշոր եղջերավոր կենդանիների սպանդից ստացված մսեղիքի իրացման հարկային հաշիվների վերաբերյալ տեղեկանք,
• խոշոր եղջերավոր կենդանիների տեղափոխման և սպանդի արդյունքում «Սպանդանոցների կառավարում» միասնական էլեկտրոնային հարթակից գեներացված անասնաբուժական վկայականների պատճենները,
• տնտեսավարողի հիմնադիր կամ ավելի քան 10% բաժնետոմս ունեցող բաժնետեր հանդիսացող անձանց և նրանց ընտանիքի անդամների անուններն ու ազգանունները։

Աջակցության չափը

Ծրագրի շրջանակներում տրամադրվում է խոշոր եղջերավոր կենդանիների սպանդից ստացված մսեղիքի իրացման նկատմամբ հաշվարկված ԱԱՀ-ի և խոշոր եղջերավոր կենդանիների ձեռքբերման ԱԱՀ-ի հաշվանցվող գումարների տարբերության 75%-ի չափով աջակցություն։

Ուշադրություն
2025 թվականի հունիսի 1-ից դեկտեմբերի 30-ը տնտեսավարողին տրամադրվում է շահառուին մատուցած սպանդի ծառայության վճարի մասնակի փոխհատուցում՝ առավելագույնը 10,000 դրամի չափով, իսկ սանիտարական օրերին բրուցելոզով հիվանդ կենդանու սպանդի համար՝ առավելագույնը 15,000 դրամի չափով։

Տրամադրման ժամկետը և կարգը

Դիմումը ստանալու օրվան հաջորդող 20 աշխատանքային օրվա ընթացքում կատարվում է ներկայացված փաստաթղթերի ուսումնասիրություն։

Դրական պատասխանի դեպքում տնտեսվարողի և Էկոնոմիկայի նախարարության միջև կնքվում է աջակցության տրամադրման պայմանագիր, և  աջակցության գումարը 5 աշխատանքային օրվա ընթացքում փոխանցվում է տնտեսավարողին։

Հղում օրենսդրությանը

ՀՀ կառավարության՝ 2024 թվականի օգոստոսի 1-ի N 1176-Լ որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։