Ծառայությունը ստանալու համար անհրաժեշտ է դիմել ՀՀ Շրջական միջավայրի նախարարություն։

Պահանջվող փաստաթղթերը

Անձնագիրը կազմելու համար անհրաժեշտ է դրանում ներառել հետևյալ տեղեկատվությունը՝

• թափոնի անվանումը, ծածկագիրը, կազմակերպության անվանումը և տվյալները,

• անձնագրավորվող թափոնի քանակությունը, վտանգավոր հատկությունների ցանկը,

• ծագումը (ըստ տեխնոլոգիական կանոնակարգի), կազմը և դրա բաղադրիչների թունունակությունը,

• վնասազերծման կամ վերամշակման համար առաջարկվող եղանակը,

• հրդեհապայթյունավտանգությունը, կոռոզիոն ակտիվությունը, ռեակցիայի մեջ մտնելու ունակությունը,

• անհրաժեշտ նախազգուշական միջոցները թափոնի գործածության ժամանակ,

• թափոնի տեղափոխման սահմանափակումները,

• լրացուցիչ տեղեկություններ, թափոն արտադրողի հայտարարությունը։
  
  

Վճարման չափը և կարգը

Վտանգավոր թափոնների կազմումն ու համաձայնեցումն իրականացվում է անվճար։

Տրամադրման ժամկետը և կարգը

Անձնագիրը համաձայնեցվում է ներկայացնելուց հետո 15 աշխատանքային օրվա ընթացքում և գրանցվում գրանցամատյանում:

Հղում օրենսդրությանը

• «Թափոնների մասին» ՀՀ օրենք

• ՀՀ կառավարության՝ 2006 թվականի հունվարի 19-ի N 47-Ն որոշում

• ՀՀ բնապահպանության նախարարի՝ 2007 թվականի փետրվարի 2-ի N 19-Ն հրաման

• ՀՀ բնապահպանության նախարարի՝ 2006 թվականի դեկտեմբերի 25-ի N430-Ն հրաման

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։