Պետական եկամուտների կոմիտեին ուղղված բողոքների ներկայացման ծառայությունը նախատեսված է այն հարկ վճարողների համար, ովքեր անհամաձայնություններ ունեն իրենց հարկային պարտավորությունների կամ վճարների հետ կապված: Այս ծառայության միջոցով հնարավոր է բողոքարկել հարկային գնահատումները, տույժերը կամ տուգանքները, վիճարկել հաշվարկներում հայտնաբերված անճշտությունները, ներկայացնել հիմնավորող փաստաթղթեր և պաշտպանել իրավունքները: 

e-request հարթակում գրանցվելու համար անհրաժեշտ է «Շարունակել» կոճակը սեղմելուց հետո կատարել հետևյալ գործողությունները՝

• սեղմել բացվող էջի վերին աջ անկյունում գտնվող «Մուտք» կոճակը, այնուհետև անցնել բացվող էջի ներքևում գտնվող «Գրանցվել հիմա» հղումով, 
• նշել քաղաքացիությունը, այնուհետև լրացնել անհրաժեշտ տվյալները,
• մուտքագրել էլեկտրոնային փոստի հասցեին ստացված կոդը, այնուհետև՝ բջջային հեռախոսահամարին ստացված կոդը,
• ստեղծել գաղտնաբառ և հաստատել այն։
  
  

Հարթակում գրանցվելուց հետո բողոք ներկայացնելու համար անհրաժեշտ է՝

• մուտք գործել հարթակ՝ լրացնելով էլեկտրոնային փոստի հասցեն և գաղտնաբառը,
• սեղմել «Ուղարկել դիմում, հարցում կամ բողոք» պատուհանի «Ուղարկել» կոճակը,
• բացվող էջում ընտրել «Բողոք» տարբերակը,
• ընտրել դիմումատուի տեսակը՝ «Անհատ» կամ «Իրավաբանական անձ»,
• բացվող էջում ընտրել, թե որ պետական մարմնին է ուղղված դիմումը, այս դեպքում ընտրել Պետական եկամուտների կոմիտե,
• հայատառ և հնարավորինս հստակ ձևակերպել բողոքը,
• կցել անհրաժեշտ փաստաթղթերը, 
• սեղմել «Առաջ» կոճակը։

Հարցման ընթացքին հնարավոր է հետևել անձնական էջում առկա հսկիչ կոդի միջոցով։

Պահանջվող փաստաթղթերը

Անձնագիր կամ նույնականացման քարտ։

Տրամադրման ժամկետը և կարգը

• Պետական եկամուտների կոմիտեին ուղղված բողոքն ուսումնասիրվում է 1 աշխատանքային օրվա  ընթացքում։
• Դիմումատուի հետ հետադարձ կապ է ստեղծվում հեռախոսազանգի կամ էլեկտրոնային փոստի միջոցով։