Հեմոդիալիզային բժշկական օգնություն ստանալու համար անհրաժեշտ է դիմել հետևյալ բժշկական հաստատություններ․

Երևանում`

• «Սուրբ Գրիգոր Լուսավորիչ բժշկական կենտրոն», 
• «Էրեբունի» բժշկական կենտրոն»,
• «Աստղիկ ԲԿ»,
• «Նատալի ֆարմ» ՍՊԸ Աստղիկ ԲԿ (տեղակայված Միքայելյան վիրաբուժության ինստիտուտի տարածքում),
• «Արմենիա հանրապետական բժշկական կենտրոն»,
• «Արաբկիր Բժշկական Համալիր-Երեխաների և դեռահասների առողջության ինստիտուտ»,
• «Բեսթ Լայֆ» հայ-ճապոնական բժշկական կենտրոն։

Մարզերում`

• «Վանաձորի բժշկական կենտրոն»,
• «Գյումրու բժշկական կենտրոն»,
• «Պրոֆտեստ» ՍՊԸ (ք.Հրազդան, Մարշալ Բաղրամյան Պուրակային 38),
• «Պրոֆտեստ» ՍՊԸ (ք.Արթիկ, Մարշալ բաղրամյան 2 շենք),
• «Պրոֆտեստ» ՍՊԸ (ք.Արտաշատ, Արամ Խաչատրյան 116),
• «Կապանի բժշկական կենտրոն»,
• «Գորիսի բժշկական կենտրոն»,
• («Զարիշատ (Արամ) Մարտինի Մկրտչյանի անվան Արմավիրի Բժշկական կենտրոն»,
• Նիկոլայ Նասիբյանի անվան Նոյեմբերյանի բժշկական կենտրոն»,
• «Գավառի բժշկական կենտրոն»,
• «Մարտունու բժշկական կենտրոն»,
• «Վայքի բուժական միավորում»,
• «Իջևանի բժշկական կազմակերպություն»,
• «Նատալի ֆարմ» ՍՊԸ Աստղիկ ԲԿ /ք.Ստեփանավան։
  
  

Ծրագրի մասին

Հեմոդիալիզի (արյան մաքրում) աջակցության ծրագրիրն ընդգրկում է բուժման համար անհրաժեշտ միջոցների ամբողջ ծավալը՝

• մասնագիտական խորհրդատվությունները,
• լաբորատոր-գործիքային ախտորոշիչ հետազոտությունների անցկացումը՝ ծրագրային հեմոդիալիզի սեանսների անցկացման համար անհրաժեշտ պարագաներով,
• այդ թվում՝ առաջին անգամ տեղադրվող կարճատև օգտագործման կենտրոնական երակի երկլուսանցքանի կատետրի տեղադրումը և դեղերով ապահովումը։
  
  

Ներկայացվող պահանջները

Ծառայությունը ստանալու համար անձը պետք է լինի ՀՀ քաղաքացի և չունենա հեմոդիալիզի հետևյալ հակացուցումները․ 

• չարորակ նորագոյացությունների 4-րդ փուլ (երբ պացիենտին այլևս ցուցված չէ հակաուռուցքային այդ բուժումը, ցուցված է միայն պալիատիվ բժշկական օգնություն և սպասարկում),
• լյարդի ցիռոզ՝ տերմինալ շրջան F3-4 փուլում,
• թոքի ակտիվ տուբերկուլոզ (BK+),
• 2 և ավելի հարաբերական հակացուցում,
• տարիքը 80 տարեկանից բարձր է, և առկա է հարաբերական հակացուցումներից մեկը:
   

• ինսուլտ կամ նյարդային համակարգի ծանր ախտահարումներ՝ երբ պացիենտը գտնվում է հեմոդինամիկ խիստ անկայուն վիճակում, առկա են գիտակցության ծանր խանգարումներ կամ բացակայություն, անկողնային պարալիզված վիճակ,
• հոգեկան խանգարումներ՝ երբ հոգեբույժի եզրակացությամբ անձը վտանգ է ներկայացնում իր կամ այլ անձանց համար,
• արյան մակարդելիության խանգարումներ, որոնք պայմանավորված չեն ուրեմիայով,
• պացիենտը հեմոդինամիկ խիստ անկայուն վիճակում է՝ սրտային անբավարարություն IV ՖԴ ըստ NYHA, փորոքային տախիկարդիայի, սրտամկանի սուր ինֆարկտի, ալկոհոլիզմի կամ թմրամոլության պատճառով։ 

Պահանջվող փաստաթղթերը

Հեմոդիալիզային բժշկական օգնություն ստանալու համար անհրաժեշտ է ներկայացնել․

• պացիենտի անձը հաստատող փաստաթուղթը,
• հեմոդիալիզ իրականացնող բժշկի եզրակացությունը։