Ծննդյան վկայականը վերականգնելու դիմում ներկայացնելու համար անհրաժեշտ է նախապես այց ամրագրել և այցելել ՀՀ արդարադատության նախարարության քաղաքացիական կացության ակտերի գրանցման ցանկացած գրասենյակ (ՔԿԱԳ, տարածված է նաև ռուսերեն անվանումը՝ ЗАГС)՝ ներկայացնելով պահանջվող փաստաթղթերը։

Արտասահմանում բնակվող քաղաքացիները ծննդյան վկայականի կրկնօրինակը ստանալու համար կարող են դիմել տվյալ պետությունում ՀՀ հյուպատոսական հիմնարկ:

Պահանջվող փաստաթղթերը

Անհրաժեշտ է ՔԿԱԳ (ЗАГС) ներկայացնել հետևյալ փաստաթղթերը․

• անձնագիր, օտարերկրյա քաղաքացիների դեպքում՝ նոտարական վավերացմամբ հայերեն թարգմանված,
• լիազորված անձի դեպքում՝ նաև լիազորագիր և լիազորող անձի անձնագրի պատճենը (այլ պետությունում դիմելիս լիազորագիրը պետք է լինի նոտարական կարգով հաստատված և միջազգային պայմանագրերով վավերացված (ապոստիլ) կամ օտարերկրյա պետությունում ՀՀ հյուպատոսական հիմնարկի կողմից հաստատված բնօրինակ),
• պետական տուրքի վճարման անդորրագիրը:

Վճարման չափը և կարգը

Ծննդյան վկայականը վերականգնելու համար անհրաժեշտ է վճարել 5,000 ՀՀ դրամ։ Վճարումը կատարվում է ՔԿԱԳ (ЗАГС) գրասենյակում։

Տրամադրման ժամկետը և կարգը

Ծննդյան վկայականի կրկնօրինակը տրամադրվում է 3 աշխատանքային օրվա ընթացքում։ Այն ուղարկվում է տրամադրված էլեկտրոնային փոստի հասցեին։ 

Փաստաթուղթն ունի հսկիչ համար և հսկիչ նույնականացման նշան, որոնց միջոցով այն կարելի է տեսնել նաև verify.e-gov.am կայքում։