Ներկայացվող պահանջները

Դիմումը ներկայացնելիս անհրաժեշտ է համապատասխանել շրջակա միջավայրի վրա ազդեցության փորձաքննության համար ներկայացվող պահանջներին՝ դրական եզրակացություն ստանալու նպատակով։

Պահանջվող փաստաթղթերը

Երկրաբանական ուսումնասիրության թույլտվություն ստանալու համար անհրաժեշտ է ներկայացնել՝ 

• դիմում (ընդ որում՝ և՛ թղթային և՛ էլեկտրոնային եղանակով),

• դիմողի պետական գրանցման համարը,

• աշխատանքների իրականացման համար պահանջվող ժամկետը,

• տեղեկություն ֆինանսական և տեխնիկական կարողությունների և միջոցների մասին,

• դիմումը ներկայացնելուն նախորդող 5 օրվա դրությամբ իրական շահառուների վերաբերյալ տեղեկություններ պարունակող քաղվածք։

Դիմումին կից անհրաժեշտ է նաև ներկայացնել երկրաբանական ուսումնասիրության ծրագիր, որը պետք է ներառի՝

• կատարվելիք աշխատանքների նպատակները և ժամկետները,

• ընդերքի ուսումնասիրվելիք տեղամասում նախկինում իրականացված երկրաբանական ուսումնասիրության աշխատանքների արդյունքների վերլուծությունը,

• աշխատանքների կատարման նախանշված մեթոդները, եղանակները, միջոցները և մոտավոր ծավալները,

• դիմումը ներկայացնելուն նախորդող 6 ամսվա դրությամբ ընդերքի այն տեղամասի նկարագրությունը, որտեղ ուսումնասիրություն իրականացնելու համար ներկայացվել է դիմումը, և ընդերքի այդ տեղամասի հատակագիծը` որակավորման վկայական ստացած անձի ստորագրությամբ հաստատված ծայրակետային կոորդինատներով,

• դիմումը ներկայացնելուց հետո մինչև որոշման կայացումն ընկած ժամանակահատվածում իրական շահառուի փոփոխության դեպքում իրական շահառուների վերաբերյալ տեղեկություններ պարունակող քաղվածք,

• անհրաժեշտ քարտեզագրական նյութերը,

• շրջակա միջավայրի վրա ազդեցության փորձաքննության դրական եզրակացություն (իրականացվում է նախարարության կողմից),

• պետական տուրքի վճարման անդորրագիրը։
  
  

Տրամադրման ժամկետը և կարգը

Դիմումը ներկայացնելուց հետո այն 10 օրվա ընթացքում նախարարության կողմից ուղարկվում է շրջակա միջավայրի վրա ազդեցության գնահատման և փորձաքննության (ՇՄԱԳ)։ 

ՇՄԱԳ եզրակացությունը տրամադրվում է 40-80 աշխատանքային օրվա ընթացքում։ Դրական եզրակացության դեպքում նախարարությունը 20 օրվա ընթացքում տալիս է համաձայնությունը և դիմողին հրավիրում 10 օրվա ընթացքում վավերացնելու ընդերքի երկրաբանական ուսումնասիրության պայմանագիրը։

Վճարման չափը և կարգը

Երկրաբանական ուսումնասիրության թույլտվությունը ստանալու նպատակով անհրաժեշտ է վճարել 50,000 դրամ։ Վճարումը հնարավոր է կատարել առցանց եղանակով կամ բանկային փոխանցմամբ 900005167136 հաշվեհամարին։

Հղում օրենսդրությանը

• ՀՀ Ընդերքի օրենսգիրք
• Կառավարության 2024 թվականի ապրիլի 4-ի N 477-Ն որոշում

Իրավական ակտերը հնարավոր է գտնել arlis.am-ում։