Զինվորական կենսաթոշակ ստանալու համար պահանջվող փաստաթղթերով անհրաժեշտ է դիմել

• ՀՀ պաշտպանության նախարության զինծառայողների սոցիալական պաշտպա­նության վարչություն կամ
• Միասնական սոցիալական ծառայության ցանկացած տարածքային ստորաբաժանում։
  
  

Ներկայացվող պահանջները

Երկարամյա ծառայության զինվորական կենսաթոշակ ստանալու համար կարող է դիմել այն նախկին զինծառայողը, ով․

• ունի առնվազն 20 տարի զինվորական ծառայության ստաժ,
  ծառայությունից սահմանված կարգով է արձակվում,
• ահմանված տարիքի հասնելու կամ պայմանագրի ավարտի պատճառով է արձակվում
  ունի առնվազն 25 տարի ընդհանուր աշխատանքային ստաժ և այդ ստաժից առնվազն 12,5 տարին զինվորական ծառայության է։

Հաշմանդամության զինվորական կենսաթոշակ ստանալու համար կարող է դիմել այն նախկին զինծառայողը, ով․

• հաշմանդամ է ճանաչվել բժշկասոցիալական փորձաքննության կողմից,
• հաշմանդամություն է ստացել ծառայության ընթացքում կամ ծառայությունից արձակվելուց հետո 5 տարվա ընթացքում։ 5 տարուց ուշ կարող են դիմել այն զինծառայողները, որոնք հաշմանդամություն են ստացել ծառայության ընթացքում ծագած հիվանդության կամ ստացած վնասվածքի պատճառով)։

Կերակրողին կորցնելու կենսաթոշակ ստանալու համար կարող է դիմել նախկին զինծառայողի ընտանիքի անդամը։

Երեխա

• սովորում է ցերեկային ուսուցմամբ և 18-26 տարեկան է,
• ունի հաշմանդամության կարգ,

Ամուսին և ծնողներ

• հասել են կենսաթոշակի տարիքի կամ հաշմանդամ են ճանաչվել

Քույրերը և եղբայրները, որոնց․

• 18 տարին չի լրացել և եղել են զինծառայողի խնամքի տակ, 
• հաշմանդամությունը ճանաչվել է մինչև 18 տարեկանը։
  
  

Պահանջվող փաստաթղթերը

Երեք տեսակի կենսաթոշակի դեպքում անհրաժեշտ է ներկայացնել․

• անձնագիր կամ նույնականացման քարտ, 
• 3X4 չափի 1 լուսանկար: