Հայաստանի Հանրապետության զինանշան
Ծառայությունների
ազգային հարթակ
ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Աջակցության ծրագիր
Անվտանգություն և պաշտպանություն

Դիմել «Բնակարանային ապահովում նախկին զինծառայողներին և նրանց ընտանիքներին» ծրագրին

Ծրագրի շրջանակում առաջին կամ երկրորդ խմբի հաշմանդամության զինվորական կենսաթոշակի իրավունք ունեցող նախկին զինծառայողների և նրանց ընտանիքների բնակարանային խնդիրների լուծման նպատակով անհատույց տրամադրվում է պետական ֆինանսական աջակցություն։

Ծառայությունից հնարավոր է օգտվել ֆիզիկապես՝ անձամբ այցելելով գրասենյակ։
Ո՞վ կարող է դիմել
ՀՀ քաղաքացիներ
Դիմելու տևողությունը
20-30 րոպե
Տրամադրման տևողությունը
Մինչև 3 ամիս
Բնակարանային ապահովման աջակցություն ստանալու համար անհրաժեշտ է դիմել 
զինծառայողի հաշվառման վայրի համայնքի ղեկավարին (Երևան քաղաքում` Երևանի քաղաքապետին)՝ ներկայացնելով պահանջվող փաստաթղթերը։


Աջակցության հիմնական ուղղություններն են․
  • բնակարանային հաշվառման կազմակերպում,
  • բնակելի տարածքի տրամադրում (անհատույց օգտագործման և սեփականության իրավունքով),
  • ֆինանսական աջակցություն բնակարան ձեռք բերելու համար,
  • վարձակալության դիմաց փոխհատուցում,
  • տնամերձ հողամասերի հատկացում։

Ներկայացվող պահանջները

Բնակարանային ապահովման աջակցություն կարող են ստանալ այն զինծառայողները, որոնք համապատասխանում են հետևյալ պայմաններից առնվազն մեկին.

  • երկարամյա ծառայության կամ առողջական խնդիրների պատճառով կենսաթոշակի անցած զինծառայողներ են,
  • ընտանեկան պայմանների կամ հաստիքային կրճատման պատճառով արձակված  8+ տարի ստաժ ունեցողներ են,
  • ծառայողական պարտականություններ կատարելիս հաշմանդամ դարձած զինծառայողներ են,
  • ներկայումս ծառայության մեջ գտնվող 10+ տարի ստաժով զինծառայողներ են։

Պահանջվող փաստաթղթերը

Բնակարանային ապահովման աջակցություն ստանալու համար անհրաժեշտ է ներկայացնել հետևյալ փաստաթղթերը․  
  • չափահաս ընտանիքի անդամների անձնագրերի պատճենները (հաշվառման էջերով),
  • ամուսնության կամ ամուսնալուծության վկայականի պատճենը (առկայության դեպքում), 
  • երեխաների ծննդյան վկայականների պատճենները,
  • ուսման և հաշմանդամության մասին տեղեկանքներ,
  • խնամքի տակ գտնելվելու մասին տեղեկանք։

Անհրաժեշտության դեպքում պետք է ներկայացնել նաև․

  • հիվանդության/վնասվածքի և զինծառայության կապի եզրակացություն՝ տրված բուժհաստատության կողմից,
  • զինվորական կենսաթոշակի կամ զոհված զինծառայողի ընտանիքի կարգավիճակի տեղեկանք, որը տրամադրում է պաշտպանության նախարությունը,
  • բնակարանային պայմանների մասին տեղեկանք (սեփականատեր, մակերես, սենյակներ, հաշվառված անձիք),
  • ընտանիքի կազմի վերաբերյալ տեղեկանք,
  • բնակարանի սեփականության վկայականի պատճենը,
  • եթե ընտանիքի անդամները տարբեր հասցեներում են, բոլորի հաշվառման հասցեներից տեղեկանքներ,
  • կադաստրի կոմիտեից տեղեկություն՝ ՀՀ-ում բնակելի գույք ունենալու մասին,
  • վերջին 5 տարում բնակելի գույք վաճառելու մասին տեղեկություն։

Աջակցության չափը

Ֆինանսական աջակցության չափը հաշվարկվում է նախորդող եռամսյակի շուկայական միջին արժեքների հիման վրա՝ համաձայն ՀՀ անշարժ գույքի կադաստրի պետական կոմիտեի տվյալների։

Տրամադրման կարգը և ժամկետը

Բնակարանային ապահովման աջակցությունը տրամադրվում է դիմումը հանձնաժողովի անդամների կողմից ուսումնասիրվելուց հետո մինչև 3 ամսվա ընթացքում։

Հղում օրենսդրությանը

ՀՀ կառավարության՝ 2007 թվականի մարտի 7-ի N 384-Ն որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)

Տեխնիկական աջակցության համար՝
Աշխատանքային ժամեր`
Երկ-ուրբ ՝ 10:00 - 18:00
 
Հեռախոսահամար`
 0-8000-2020
(+374) 010 58-59-80
Ծառայության գծով աջակցության համար՝
Աշխատանքային ժամեր`
9:00 - 18:00
 
Հեռախոսահամար`
(+374) 010 29-44-30
(+374) 010 29-46-99
Ծառայությունը մատուցող՝
ՀՀ պաշտպանության նախարարություն
[email protected]https://www.mil.am
Այս էջը օգտակա՞ր էր