Հարթակը մշակման փուլում է․ ձեր կարծիքը կօգնի մեզ բարելավել այն:
ապրիլի 14, 2025
Հուլիսի 1-ից աշխատանքային պայմանագրերը կկնքվեն թվային եղանակով
Հայաստանում հուլիսի 1-ից աշխատանքային բոլոր պայմանագրերը կկնքվեն էլեկտրոնային եղանակով՝ հատուկ թվային համակարգի միջոցով: Կառավարության որոշմամբ սահմանվել է, որ աշխատանքային հարաբերությունների ծագումը, փոփոխումը և դադարումն այսուհետ կիրականացվի բացառապես էլեկտրոնային եղանակով:
Նոր համակարգում գործատուները պայմանագրերը կկազմեն Հաշվետվությունների ներկայացման էլեկտրոնային համակարգի միջոցով և կստորագրեն իրենց էլեկտրոնային թվային ստորագրությամբ: Աշխատողները ստացված պայմանագիրը կստորագրեն «ԵսԵմ» ազգային նույնականազցման հարթակի միջոցով, իսկ օտարերկրացիները՝ պետական եկամուտների կոմիտեի կողմից տրամադրված մուտքանուն-գաղտնաբառով:
Պայմանագրի ստորագրումից հետո համակարգն ինքնաշխատ կձևավորի նոր աշխատողի գրանցման հայտ, որը գործատուն պետք է հարկային մարմնին հանձնի նույն աշխատանքային օրվա ընթացքում:
Նոր համակարգը նպատակ ունի բարձրացնելու աշխատանքային հարաբերությունների թափանցիկությունը և պարզեցնել վարչարարությունը:
Դիմելու կարգի, ներկայացվող պահանջների մասին մանրամասները կհրապարակվեն շուտով։
Աշխատանքային պայմանագրի վերաբերյալ մանրամասները ներկայացված են «Աշխատանք և կարիերա» կյանքի իրադարձության ուղեցույցում։