Ներկայացվող պահանջները

Յուրաքանչյուր ջրօգտագործման թույլտվության օգտագործումը պետք է համապատասխանի՝

• ջրի ազգային քաղաքականությանը,
• ջրի ազգային ծրագրին,
• համապատասխան ջրավազանային կառավարման պլաններին,
• ՀՀ միջազգային պայմանագրերին,
• ազգային ջրային պաշարի պահպանման պահանջին,
• ջրերի ստանդարտներին, այդ թվում՝ ջրի որակի նորմերին։
  
  

Պահանջվող փաստաթղթերը

Ջրօգտագործումը կարող է լինել խմելու-կենցաղային, գյուղատնտեսական, էներգետիկ, արդյունաբերական, ձկնաբուծական և այլ նպատակների։

Թույլտվության համար պահանջվող փաստաթղերը կարող են տարբերվել՝ կախված ջրօգտագործման նպատակից։

Տրամադրման ժամկետը և կարգը

• Ջրօգտագործման թույլտվությունը տրամադրվում է 50 աշխատանքային օրվա ընթացքում։ Փաստաթղթերի թերի լինելու դեպքում դիմողին տրվում է ևս 15 աշխատանքային օր՝ լրամշակման համար։
• Ջրավազանային կառավարման պլան ունեցող տարածքներում ջրօգտագործման թույլտվությունը տրամադրվում է մինչև 25 տարի, իսկ կառավարման պլան չունեցող տարածքներում՝ մինչև 5 տարի ժամկետով։
• Էլեկտրաէներգիայի արտադրության լիցենզիա ստանալու նպատակով ջրօգտագործման թույլտվությունը տրամադրվում է 1 տարի ժամկետով։ Լիցենզիան ստանալուց հետո անհրաժեշտ է 15 աշխատանքային օրվա ընթացքում դիմել ջրօգտագործման թույլտվության ժամկետը էլեկտրական էներգիայի արտադրության լիցենզիայի ժամկետին համապատասխանեցնու համար։
• Հորատանցքի հորատման նպատակով ջրօգտագործման թույլտվությունը տրամադրվում է 1 տարի ժամկետով, ինչից հետո անհրաժեշտ է դիմել գործող հորատանցքից ջրօգտագործման թույլտվություն ստանալու համար։
• Ջրօգտագործման թույլտվության ժամկետի երկարաձգման համար անհրաժեշտ է ժամկետի ավարտից առնվազն 3 ամիս առաջ ներկայացնել դիմում՝ կցելով ջրօգտագործման թույլտվության բնօրինակը։
• Իրավաբանական անձի անվանման կամ գտնվելու վայրի փոփոխման դեպքում անհրաժեշտ է դիմել թույլտվության վերաձևակերպման համար` կցելով ջրօգտագործման թույլտվության բնօրինակը և տեղեկություններ պետական գրանցման համարի վերաբերյալ: Վերաձևակերպումն իրականացվում է 15 աշխատանքային օրվա ընթացքում։
  
  

Վճարման չափը և կարգը

• Թույլտվության հայտի դրական եզրակացության տրամադրման դեպքում անհրաժեշտ է 5 աշխատանքային օրվա ընթացքում կատարել համապատասխան վճարումը։
• Ֆիզիկական անձանց և անհատ ձեռնարկատերերի դեպքում մակերևութային ջրային ռեսուրսից ջրօգտագործման թույլտվության ստացման, երկարաձգման և վերաձևակերպման համար անհրաժեշտ է վճարել 25,000 դրամ, իսկ ստորերկրյա ջրային ռեսուրսից ջրօգտագործման թույլտվության ստացման համար անհրաժեշտ է վճարել 95,000 դրամ, իսկ երկարաձգման դեպքում՝ 25,000 դրամ։ Վճարումն անհրաժեշտ է կատարել բանկային փոխանցմամբ 900005169280 հաշվեհամարին։
• Իրավաբանական անձանց դեպքում ստորերկրյա ջրային ռեսուրսից ջրօգտագործման թույլտվություն ստանալու համար անհրաժեշտ է վճարել 145,000 դրամ, իսկ թույլտվության երկարաձգման և վերաձևակերպման համար՝ 75,000 դրամ։ Մակերևութային ջրային ռեսուրսից ջրօգտագործման թույլտվության ստացման, երկարաձգման և վերաձևակերպման համար անհրաժեշտ է վճարել 75,000 դրամ։ Վճարումն անհրաժեշտ է կատարել բանկային փոխանցմամբ 900005169298 հաշվեհամարին։
  
  

Հղում օրենսդրությանը

• ՀՀ Ջրային օրենսգիրք
• ՀՀ Կառավարության՝ 2023 թվականի օգոստոսի 3-ի N 1332-Ն որոշում

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։