Ավտոմեքենայի տեխնիկական զննության կայան գտնելու և այց ամրագրելու համար նախ անհրաժեշտ է գրանցվել համակարգում։ 

Գրանցվելու համար անհրաժեշտ է «Շարունակել» կոճակը սեղմելուց հետո՝

• ընտրել «Տեխզննում» բաժինը,
• լրացնել մեքենայի հաշվառման վկայագրի (տեխնիկական անձնագրի) համարը,
• սեղմել «Որոնել» կոճակը,
• ընտրել տեխզննման կայանը,
• սեղմել «Հաստատել» կոճակը,
• կատարել վճարում։

Հարթակի միջոցով հնարավոր է նաև ստուգել և վճարել ավտոմեքենայի գույքահարկը։ Դրա համար անհրաժեշտ է՝

• ընտրել «Գույքահարկ» բաժինը,
• լրացնել ավտոմեքենայի համարանիշը, վկայագրի համարը (առկայության դեպքում՝ գույքահարկի ծածկագիրը),
• ընտրել «Ամբողջ հարկի մարում» կամ «Օտարում» տարբերակներից որևէ մեկը,
• նշել համակարգի շտեմարանում առկա անձնական տվյալների մշակմանը համաձայնելու նշավանդակը,
• սեղմել «Որոնել» կոճակը,
• բացվող էջում լրացնել կոնտակտային տվյալները,
• սեղմել «Վճարել» կոճակը։
  
  

Ուշադրություն
Տեխնիկական զննություն կատարելիս ավտոմեքենայի գծով նախորդ տարիների ընթացքում կուտակված գույքահարկի պարտավորությունը պետք է մարված լինի։