Վարկերի տոկոսադրույքների մասնակի սուբսիդավորման համար անհրաժեշտ է պահանջվող փաստաթղթերով դիմել բանկ։ Ծրագրին համագործակցող բանկերի վերաբերյալ տեղեկատվություն ստանալու համար զանգահարել Էկոնոմիկայի նախարարության թեժ գիծ՝ 81-40։ 

Ծախսերի մասնակի փոխհատուցման համար անհրաժեշտ է պահանջվող փաստաթղթերով դիմում ներկայացնել ՀՀ էկոնոմիկայի նախարարություն։

Ներկայացվող պահանջները 

Աջակցության ծրագրին կարող են դիմել․

• իրավաբանական անձինք,
• համայնքները (եթե ծրագիրը չի իրականացվում սուբվենցիոն ծրագրերով),
• անհատ ձեռնարկատերերը,
• հատուկ խմբերը (նվազեցված տոկոսադրույքի և ավելի բարձր փոխհատուցման համար)։

Ովքե՞ր են մնում հատուկ խմբի մեջ

• Զինվորական ծառայության ժամանակ հաշմանդամ դարձած հիմնադիրներ/անհատ ձեռնարկատերեր,
• սահմանամերձ բնակավայրերում գործող տնտեսավարողներ,
• գյուղատնտեսության ոլորտում գործող կոոպերատիվներ։
  
  

Անհրաժեշտ փաստաթղթեր

Աջակցության ծրագիրից օգտվելու համար դիմումին կից անհրաժեշտ է ներկայացնել.

• պետական ռեգիստրի վկայական,
• անշարժ գույքի սեփականության իրավունքի վկայականի պատճեն,
• համասեփականատերերի նոտարական համաձայնություն (եթե կիրառելի է),
• վերակառուցվող շենքի լուսանկարներ (միայն վերակառուցման դեպքում),
• ԱՔՌԱ վարկային պատմության զեկույց,
• հարկային պարտավորությունների վերաբերյալ տեղեկանք։
  
  

Առաջարկվող անասնաշենքերի մոդելներ

Ծրագիրն առաջարկում է 3 տարբեր չափի անասնաշենքերի մոդելներ՝

• փոքր մոդել - 20-25 գլուխ կենդանու համար, արժեքը՝ մինչև 30 մլն դրամ
• միջին մոդել - 40-45 գլուխ կենդանու համար, արժեքը՝ մինչև 46 մլն դրամ
• մեծ մոդել - 95-100 գլուխ կենդանու համար, արժեքը՝ մինչև 114 մլն դրամ

3-րդ մոդելի համար առկա են տիպային նախագծի երեք տարբերակներ (տարբերակ 1, 2, 3)

Աջակցության չափը ծախսերի մասնակի փոխհատուցում համար

Փոքր մոդելի անասնաշենքերի կառուցման դեպքում տրամադրվում է՝

• 15 միլիոն դրամ (50%)՝ սովորական դիմողներին
• 21 միլիոն դրամ (70%)՝ հատուկ խմբերին։

Փոքր մոդելի անասնաշենքերի վերակառուցման դեպքում տրամադրվում է՝

• 7,5 միլիոն դրամ (25%)՝ սովորական դիմողներին,
• 13,5 միլիոն դրամ (45%)՝ հատուկ խմբերին։

Միջին մոդելի անասնաշենքերի կառուցման դեպքում տրամադրվում է՝

• 23 միլիոն դրամ (50%)՝ սովորական դիմողներին,
• 32,2 միլիոն դրամ (70%)՝ հատուկ խմբերին։

Միջին մոդելի անասնաշենքերի վերակառուցման դեպքում տրամադրվում է՝

• 11,5 միլիոն դրամ (25%)՝ սովորական դիմողներին,
• 20,7 մլն դրամ (45%)՝ հատուկ խմբերին։

Մեծ մոդելի անասնաշենքերի կառուցման դեպքում տրամադրվում է՝

• 57 մլն դրամ (50%)՝ սովորական դիմողներին,
• 79,8 մլն դրամ (70%)՝ հատուկ խմբերին։

 Մեծ մոդելի անասնաշենքերի վերակառուցման դեպքում տրամադրվում է՝

• 28,5 միլիոն դրամ (25%)՝ սովորական դիմողներին,
• 51,3 միլիոն դրամ (45%)՝ հատուկ խմբերին։
  
  

Աջակցության չափը վարկերի տոկոսադրույքների սուբսիդավորման համար

• Վարկի չափը - առավելագույնը համապատասխան մոդելի գնահատված ծախսերին
• տոկոսադրույք - 2% (սովորական դիմողների համար)
• hատուկ խմբերի համար - 0% տոկոսադրույք
• վարկի մարման ժամկետը - մինչև 5 տարի
• մայր գումարի արտոնյալ ժամկետը - մինչև 1,5 տարի
  
  

Փոխհատուցման տրամադրման կարգը և ժամկետները

Փոխհատուցումը տրամադրվում է 3 փուլով՝

• Առաջին փուլ (30%) - փոխհատուցումը տրամադրվում է շինարարական/վերակառուցման աշխատանքներն ավարտելուց և մոնիթորինգի դրական եզրակացությունից հետո 15 աշխատանքային օրվա ընթացքում (ֆինանսական ոչ բավարար միջոցների դեպքում՝ 40 աշխատանքային օրվա ընթացքում)։
• Երկրորդ փուլ (40%) - փոխհատուցումը տրամադրվում է անասնաշենքը տեխնոլոգիական սարքերով ապահովելուց, շահագործման հանձնելուց, նախատեսված կենդանիների գլխաքանակի առնվազն 50%-ի առկայության և մոնիթորինգի դրական եզրակացությունից հետո 15 աշխատանքային օրվա ընթացքում (ֆինանսական ոչ բավարար միջոցների դեպքում՝ 40 աշխատանքային օրվա ընթացքում)։
• Երրորդ փուլ (30%) - Երկրորդ փուլի փոխհատուցումը ստանալուց 1 տարվա ընթացքում՝ երրորդ փուլի մոնիթորինգի արդյունքում, երբ անասնաշենքում առկա է նախատեսված կենդանիների գլխաքանակի առնվազն 90%-ը: Վճարումը կատարվում է 15 աշխատանքային օրվա ընթացքում (ֆինանսական ոչ բավարար միջոցների դեպքում՝ 40 աշխատանքային օրվա ընթացքում)։
  
  

Հղում օրենսդրությանը

ՀՀ կառավարության՝ 2014 թվականի դեկտեմբերի 18-ի N 1444-Ն որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։