Հարկային պարտավորությունները ստուգելու համար անհրաժեշտ է մուտք գործել համակարգի անձնական հաշիվ։ 

Անձնական հաշիվ հնարավոր է մուտք գործել հետևյալ տարբերակներից որևէ մեկով՝

• «ԵսԵմ» ազգային նույնականացման հարթակի միջոցով (սեղմելով nID կոճակը),
• Face ID համակարգի միջոցով,
• համակարգում գրանցվելու միջոցով։

Գրանցվելու համար «Շարունակել» կոճակը սեղմելուց հետո անհրաժեշտ է՝

• սեղմել «Գրանցել նոր հաշիվ» կոճակը,
• նկարվել նույնականացման (ID) քարտը կամ անձնագիրը ձեռքին, 
• լուսանկարել նույնականացման քարտի կամ անձնագրի լուսանկարով էջը,
• նույնականացման քարտով արված ինքնանկարի դեպքում լուսանկարել դրա դարձերեսը, իսկ անձնագրով արված ինքնանկարի դեպքում՝ սոցիալական քարտը,
• մուտքագրել պահանջվող անձնական տվյալները, հաստատել տվյալների ճշգրտությունը և սեղմել «Գրանցվել» կոճակը,
• նշված էլեկտրոնային փոստի հասցեին ուղարկված հաղորդագրության մեջ հաստատել էլեկտրոնային փոստը։

1 աշխատանքային օրվա ընթացքում կկատարվի տվյալների ստուգում և էլեկտրոնային փոստի հասցեին կուղարկվի գրանցման հաստատման վերաբերյալ հաղորդագրություն։

Վճարման կարգը

Վճարումը կատարելու համար անհրաժեշտ է՝

• «Վճարումներ» բաժնում լրացնել վճարման ենթակա գումարի չափը,
• սեղմել «Վճարել» կոճակը,
• լրացնել բանկային քարտի տվյալները։