Ինչպե՞ս դիմել

Վկայականի կրկնօրինակը ստանալու համար «Շարունակել» կոճակը սեղմելուց հետո՝

• անցնել «ԵսԵմ» նույնականացում,
• լրացնել պահանջվող տվյալները,
• կատարել վճարումը, ընդ որում՝ որոշ դեպքերում ծառայությունն անվճար է (մանրամասները ներկայացված են ստորև)։
  
  

Ներկայացվող պահանջները

Վկայականի կրկնօրինակ ստանալու համար կարող են դիմել՝

• անձը, որի վերաբերյալ կատարվել է գրանցումը
• շահագրգիռ անձը՝ մահվան դեպքում
• ծնողները/օրինական ներկայացուցիչները, եթե անձը վկայականի կրկնօրինակի տրման օրը անգործունակ է
• լիազորված անձը (պարզ լիազորագրով)
• 16-18 տարեկան անձը՝ իր ծննդի վկայականի համար
• ծնողները կամ համայնքի ղեկավարը՝ 16 տարին լրացած, բայց անձը հաստատող փաստաթուղթ չունեցող անձի ծննդի վկայականի տրամադրման համար

Պահանջվող փաստաթղթերը և տվյալները

Դիմելու համար անհրաժեշտ է՝

• լրացնել դիմողի անձնական տվյալները,
• կցել անձը հաստատող փաստաթղթի սկանավորված տարբերակը,
• լրացնել դիմողի կոնտակտային տվյալները։

Հայտին կից ներկայացվում են՝

• տվյալների փոփոխությունը հավաստող փաստաթուղթ (անհամապատասխանության դեպքում),
• ներկայացուցչի միջոցով դիմելիս՝ լիազորագիր և լիազորողի անձնագրի սկանավորված տարբերակը,
• խնամակալության կամ հոգաբարձության դեպքում՝ համապատասխան որոշում,
• անձնագիր չունեցող 16 տարին լրացած անձանց համար դիմելիս՝ համայնքի ղեկավարի կողմից տրված փաստաթուղթ

Վճարման չափը և կարգը

• Մինչև 2014 թվականի սեպտեմբերի 30-ը տրամադրված վկայականի կրկնօրինակը ստանալու համար անհրաժեշտ է վճարել 5,000 դրամ։
• 2014 թվականի սեպտեմբերի 30-ից հետո տրամադրված վկայականի դեպքում առաջին անգամ հայտ ներկայացնելիս կրկնօրինակը տրամադրվում է անվճար, իսկ ամեն հաջորդ անգամ՝ անհրաժեշտ է վճարել 5,000 դրամ։
• Ապոստիլով վավերացման դեպքում անհրաժեշտ է վճարել հավելյալ 7,000 դրամ։

Վճարումը կատարվում է առցանց՝ հայտը ներկայացնելու էջում։

Տրամադրման ժամկետը և կարգը

Վկայականի կրկնօրինակը 3 աշխատանքային օրվա ընթացքում ուղարկվում է դիմողի էլեկտրոնային փոստի հասցեին։

Հղում օրենսդրությանը

• «Քաղաքացիական կացության ակտերի գրանցման մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)