Բիոմետրիկ անձնագիրը նոր սերնդի անձը հաստատող փաստաթուղթ է, որն ունի հատուկ էլեկտրոնային չիպ։ Այս չիպում գաղտնագրված կերպով պահվում են քաղաքացու տվյալները՝ թվային լուսանկարը և մատնահետքերը, ինչն ավելի է ապահովում անձնական տվյալների անվտանգությունը և պարզեցնում է սահմանն անցնելու գործընթացը միջազգային մակարդակով։

Այո։ 16 տարին լրացած քաղաքացիների դեպքում՝ անձնագրի համար դիմելիս անհրաժեշտ է ունենալ նույնականացման քարտ։

Անձնագիրն առաջին անգամ ստանալու, վերաթողարկելու կամ փոխարինելու համար վճարվող պետական տուրքը 28,650 դրամ է։

Անձնագիրը տրամադրվում է էլեկտրոնային դիմումը հանձնելուց և հաստատումն ստանալուց հետո 14 աշխատանքային օրվա ընթացքում։

16 տարին լրացած քաղաքացիներին՝ 10 տարի վավերականության ժամկետով։

• Հաշմանդամություն ունենալու դեպքում այդ անձի փոխարեն կարող են դիմել նաև Միասնական սոցիալական ծառայության աշխատակիցները, ինչպես նաև մերձավոր ազգականները (հայրը, մայրը, ամուսինը, զավակը, քույրը, եղբայրը, տատը կամ պապը)` կցելով բժշկական հաստատության կողմից տրված համապատասխան փաստաթղթեր էլեկտրոնային հայտին։
• Ազատազրկման դատապարտված կամ կալանավորված անձի փոխարեն անձը հաստատող փաստաթուղթ ստանալու համար կարող է դիմել համապատասխանաբար քրեակատարողական հիմնարկի կամ կալանավորվածներին պահելու վայրի վարչակազմը։
• Անգործունակ ճանաչված քաղաքացուն անձնագիրը տրամադրվում է խնամակալի դիմումի հիման վրա, իսկ սահմանափակ գործունակ ճանաչված քաղաքացուն՝ իր դիմումի հիման վրա:

Այո՛, անձնագիրը հնարավոր է փոխանակել ժամանակից շուտ, նույնիսկ եթե նախորդը դեռ վավեր (գործող) է։ Անձնագրի փոխանակման հիմքերը կարող են լինել տարբեր՝ կապված վավերականության ժամկետի ավարտի, անձնական տվյալների փոփոխության, վնասված լինելու կամ պարզապես նոր տեսակի (օրինակ՝ կենսաչափական) անձնագիր ստանալու ցանկության հետ։

Անձնագիրը փոխանակելու համար կարող են դիմել այն քաղաքացիները, ովքեր ունեն․

• նույնականացման քարտ,
• «ԵսԵմ» նույնականացում։

Այո։ Նոր կենսաչափական անձնագիր ստանալու դեպքում նախորդ անձնագրում եղած վիզաները պահպանվում են։

Մինչև 16 տարեկան քաղաքացու անձնագիրը փոխանակելու դիմումը ներկայացնում է երեխայի ծնողը կամ օրինական ներկայացուցիչը (որդեգրողը, խնամակալը կամ հոգաբարձուն)։

Անձնագիրը փոխանակելու համար անհրաժեշտ է ներկայացնել փոխանակվող անձնագիրը (բացառությամբ այն դեպքերի, երբ անձնագիրը կորել է)։

Քաղաքացու տվյալները փոփոխված կամ ոչ ճիշտ լինելու դեպքում անհրաժեշտ է ներկայացնել նաև իրավասու մարմնի կողմից տրված՝ փոփոխությունը կամ անճշտությունը հավաստող փաստաթուղթը։

• Հաշմանդամություն ունենալու դեպքում այդ անձի փոխարեն կարող են դիմել նաև Միասնական սոցիալական ծառայության աշխատակիցները, ինչպես նաև մերձավոր ազգականները (հայրը, մայրը, ամուսինը, զավակը, քույրը, եղբայրը, տատը կամ պապը)` կցելով բժշկական հաստատության կողմից տրված համապատասխան փաստաթղթեր էլեկտրոնային հայտին։
• Ազատազրկման դատապարտված կամ կալանավորված անձի փոխարեն անձը հաստատող փաստաթուղթ ստանալու համար կարող է դիմել համապատասխանաբար քրեակատարողական հիմնարկի կամ կալանավորվածներին պահելու վայրի վարչակազմը։
• Անգործունակ ճանաչված քաղաքացուն նույնականացման քարտը տրամադրվում է խնամակալի դիմումի հիման վրա, իսկ սահմանափակ գործունակ ճանաչված քաղաքացուն՝ իր դիմումի հիման վրա:

16 տարին լրացած քաղաքացիներին անձնագիրը տրամադրվում է 10 տարի ժամկետով։

• Անձնագիր ստանալու համար անհրաժեշտ է գրանցված լինել Բնակչության պետական ռեգիստրում։ 
• 16-18 տարեկան արական սեռի քաղաքացիները զինվորական հաշվառում չունենալու դեպքում պետք է կանգնեն հաշվառման։

16 տարին լրացած քաղաքացու անձնագիր ստանալու համար անհրաժեշտ է ներկայացնել՝

• դիմում անձնագիր ստանալու մասին,

• ծննդյան վկայական կամ մինչև 16 տարին լրացած ՀՀ քաղաքացու անձնագիր և դրա պատճենը,

• ծնողների  ամուսնության վկայականը և դրա պատճենը,

• ծնողների անձնագրերի պատճենները,

• նշված փաստաթղթերը ներկայացնելու անհնարինության դեպքում՝ ինքնությունը հավաստող այլ փաստաթղթեր,

• 35 x 45 մմ չափսի 3 գունավոր լուսանկար (առավելագույնը 6 ամիս վաղեմության),
• պահանջվող փաստաթղթերն օտար լեզվով կազմված լինելու դեպքում` դրանց՝ օրենքով սահմանված կարգով կատարված և վավերացված հայերեն թարգմանությունները,
• օտարերկրյա պետությունների կողմից տրված փաստաթղթերը (քաղաքացիական կացության գրանցման վկայականներ, տեղեկանքներ, նոտարական փաստաթղթեր, թարգմանություն) անհրաժեշտ է ներկայացնել ՀՀ օրենսդրությամբ և միջազգային պայմանագրերով սահմանված կարգով հաստատմամբ (ապոստիլով կամ հյուպատոսական վավերացմամբ),
• հնարավորության դեպքում անհրաժեշտ է ներկայացնել նաև փաստաթղթերի լուսապատճենները։

Եթե դիմողը 16-18 տարեկան է և նույնականացման քարտ չունի, անհրաժեշտ է ներկայացնել նաև դիմողի և ՀՀ քաղաքացիություն ձեռք բերած ծնողի (ծնողների) գրավոր համաձայնությունը:

Եթե ծնողն անձամբ չի կարող ներկայացնել համաձայնությունը, ապա ներկայացվող համաձայնության վրա նրա ստորագրության իսկությունը պետք է վավերացված լինի նոտարական կարգով և հաստատված լինի ՀՀ օրենսդրությամբ և միջազգային պայմանագրերով սահմանված կարգով (ապոստիլով կամ հյուպատոսական վավերացմամբ),

Եթե մինչև երեխայի ծնունդը ծնողների ամուսնությունը գրանցված չի եղել, անհրաժեշտ է ներկայացնել նշված փաստաթղթերից որևէ մեկը և դրա պատճենը՝

• հայրության ճանաչման վկայականը,
• միայնակ մայր լինելու մասին տեղեկանքը,
• ծնողի մահվան վկայականը,
• անհայտ բացակայող կամ մահացած ճանաչվելու վերաբերյալ դատարանի վճիռը։

Եթե դիմողի ծնողներից մեկը երեխայի ծնվելու պահին ՀՀ քաղաքացի է, իսկ մյուսը` օտարերկրյա քաղաքացի, անհրաժեշտ է ներկայացնել ծնողների գրավոր համաձայնությունը՝ հաստատված ՀՀ օրենսդրությամբ և միջազգային պայմանագրերով սահմանված կարգով։

Զինապարտ լինելու դեպքում (18-55 տարեկան արական սեռի քաղաքացիներ) անհրաժեշտ է ներկայացնել նաև զինվորական գրքույկը և դրա պատճենը։

Զինվորական գրքույկ չունենալու դեպքում անհրաժեշտ է ներկայացնել տեղեկանք, որը տրամադրվում է տարածքային զինկոմիսարիատի կողմից։ ՀՀ ՊՆ զինվորական կոմիսարիատների հասցեները ներկայացված են հղումով:

Մինչև 6 տարեկան քաղաքացիներին անձնագիրը տրամադրվում է 3 տարի վավերականության ժամկետով, 6 տարեկանից մինչև 16 տարին լրացած քաղաքացիներին՝ 5 տարի վավերականության ժամկետով, ընդ որում՝ արական սեռի քաղաքացիներին անձնագիրը տրամադրվում է մինչև նրանց 19 տարին լրանալը։

• Անձնագիր ստանալու համար անհրաժեշտ է գրանցված լինել Բնակչության պետական ռեգիստրում։ 
• Տվյալ տարվա ընթացքում 16 տարին լրացող արական սեռի քաղաքացիները զինվորական հաշվառում չունենալու դեպքում պետք է կանգնեն հաշվառման։

Մինչև 16 տարեկան քաղաքացու անձնագիր ստանալու դիմումը ներկայացնում է երեխայի ծնողը կամ օրինական ներկայացուցիչը (որդեգրողը, խնամակալը կամ հոգաբարձուն)։ 

Ընդ որում՝ եթե ծնողը կամ օրինական ներկայացուցիչն անձամբ չի կարող ներկայացնել դիմումը, ապա ներկայացվող դիմումի վրա նրա ստորագրության իսկությունը պետք է վավերացված լինի նոտարական կարգով։

Մինչև 16 տարեկան երեխային անձնագիր չի տրամադրվի, եթե ծնողը, որի մոտ օրինական հիմքերով նա բնակվում է, նախապես գրավոր հայտարարություն է ներկայացնում անձնագրային բաժանմունք իր երեխային անձնագիր տրամադրելու անհամաձայնության մասին։

Երեխայի ծնողը կամ օրինական ներկայացուցիչը (որդեգրողը, խնամակալը կամ հոգաբարձուն) պետք է ներկայացնեն՝

• երեխայի ծննդյան վկայականը, ծնողների ամուսնության վկայականը և ներկայացվող բոլոր փաստաթղթերի պատճենները, ինչպես նաև ծնողների անձնագրերը և դրանց 2-3-րդ էջերի պատճենները,

• նշված փաստաթղթերը ներկայացնելու անհնարինության դեպքում՝ ինքնությունը հավաստող այլ փաստաթղթեր,

• դիմումը օրինական ներկայացուցչի կողմից ներկայացվելու դեպքում՝ օրինական ներկայացուցիչ լինելը հավաստող փաստաթուղթը,
•  35 x 45 մմ չափսի 3 գունավոր լուսանկար (առավելագույնը 6 ամիս վաղեմության),
• պահանջվող փաստաթղթերն օտար լեզվով կազմված լինելու դեպքում` դրանց` օրենքով սահմանված կարգով կատարված և վավերացված հայերեն թարգմանությունները,
• օտարերկրյա պետությունների կողմից տրված փաստաթղթերը (քաղաքացիական կացության գրանցման վկայականներ, տեղեկանքներ, նոտարական փաստաթղթեր, թարգմանություն) անհրաժեշտ է ներկայացնել ՀՀ օրենսդրությամբ և միջազգային պայմանագրերով սահմանված կարգով հաստատմամբ (ապոստիլով կամ հյուպատոսական վավերացմամբ),
• հնարավորության դեպքում անհրաժեշտ է ներկայացնել նաև փաստաթղթերի լուսապատճենները։

Եթե դիմողը 14-16 տարեկան է և նույնականացման քարտ չունի, անհրաժեշտ է ներկայացնել նաև դիմողի և ՀՀ քաղաքացիություն ձեռք բերած ծնողի (ծնողների) գրավոր համաձայնությունը:

Եթե ծնողն անձամբ չի կարող ներկայացնել համաձայնությունը, ապա ներկայացվող համաձայնության վրա նրա ստորագրության իսկությունը պետք է վավերացված լինի նոտարական կարգով և հաստատված լինի ՀՀ օրենսդրությամբ և միջազգային պայմանագրերով սահմանված կարգով (ապոստիլով կամ հյուպատոսական վավերացմամբ)։

Եթե մինչև երեխայի ծնունդը ծնողների ամուսնությունը գրանցված չի եղել, անհրաժեշտ է ներկայացնել նշված փաստաթղթերից որևէ մեկը և դրա պատճենը՝

• հայրության ճանաչման վկայականը,
• միայնակ մայր լինելու մասին տեղեկանքը,
• ծնողի մահվան վկայականը,
• անհայտ բացակայող կամ մահացած ճանաչվելու վերաբերյալ դատարանի վճիռը։

Եթե ծնողներից մեկը երեխայի ծնվելու պահին ՀՀ քաղաքացի է, իսկ մյուսը` օտարերկրյա քաղաքացի, անհրաժեշտ է ներկայացնել ծնողների գրավոր համաձայնությունը՝ հաստատված ՀՀ օրենսդրությամբ և միջազգային պայմանագրերով սահմանված կարգով։

Համապատասխան ստուգումները կատարելուց հետո աշխատակիցը կվերադարձնի բնօրինակ բոլոր փաստաթղթերը՝ բացառությամբ ծննդյան վկայականի։

Այն քաղաքացուն կվերադարձվի անձնագիրը ստանալիս, ընդ որում՝ ծննդյան վկայականի վրա կդրվի համապատասխան դրոշմակնիք, և կնշվեն տպագրված անձնագրի տվյալները։

Անձնագիրը ստանալու համար անհրաժեշտ է վճարել 30,000 դրամ։ Վճարումն անհրաժեշտ է կատարել նախապես՝ առցանց եղանակով։

Անձնագիրը տրամադրվում է դիմումը ներկայացնելուց հետո 60-օրյա ժամկետում։