Մանկապարտեզը նախադպրոցական կրթական հաստատություն է, որը նախատեսված է 2-5 տարեկան երեխաների համար: Այն երեխայի կյանքում առաջին կրթական միջավայրն է, որտեղ փոքրիկները սովորում են հաղորդակցվել հասակակիցների հետ, ձեռք են բերում կյանքի առաջին հմտությունները և նախապատրաստվում դպրոցի փուլին: Մանկապարտեզում երեխաները զարգացնում են իրենց ստեղծագործական, մտավոր և ֆիզիկական ունակությունները՝ փորձառու դաստիարակների ուղղորդմամբ:

ՀՀ-ում միջնակարգ կրթությունը նախատաեսված է 6-18 տարեկան աշակերտների համար և իրականացվում է եռաստիճան համակարգով՝ տարրական, միջին և ավագ դպրոց: Դպրոցից աշակերտները ստանում են հիմնական գիտելիքներ, ինչպես նաև կարողություններ իրենց հետագա կրթությունը շարունակելու կամ մասնագիտական գործունեություն սկսելու համար։ Գործում են պետական և ոչ պետական (մասնավոր) հանրակրթական դպրոցներ: 

Նախնական և միջին մասնագիտական կրթությունը ՀՀ կրթական համակարգի բաղադրիչներից մեկն է։ Կրթական այս համակարգը ներառում է նախնական արհեստագործական և միջին մասնագիտական ուսումնական հաստատություններ (քոլեջներ, ուսումնարաններ), որոնք տրամադրում են մասնագիտական կրթություն հիմնական կամ միջնակարգ կրթություն ունեցող անձանց: Ընդունելության դիմում-հայտերը տեղի են ունենում առցանց եղանակով։

Բարձրագույն կրթությունը կարևորագույն քայլ է մասնագիտական զարգացման և կարիերայի կառուցման ճանապարհին: Հայաստանի Հանրապետությունում բարձրագույն կրթությունն իրականացվում է բակալավրիատի, մագիստրատուրայի և հետազոտողի (ասպիրանտուրա) կրթական ծրագրերով: Ուղեցույցը ներկայացնում է բուհ ընդունվելու, սովորելու և կրթաթոշակ ստանալու հիմնական պայմաններն ու առանձնահատկությունները:

Շարունակական կրթությունը կրթության այն ձևն է, որը թույլ է տալիս անձին ողջ կյանքի ընթացքում զարգացնել իր գիտելիքները, հմտությունները և կարողությունները: Ուղեցույցում ներկայացված են, թե, ինչ հնարավորություններ է տրամադրում շարունակական կրթությունը և պետական աջակցության ինչ ծրագրեր են գործում կրթության այս ոլորտի համար։